قررت شرطة المرور تكافئ كل واحد داير حزام السلامة
لقاو واحد مبوق سايق طوموبيلتو وداير الحزام، وعطاوه 2000 درهم
وسولوه: أشنو غادي تدير بهاد الفلوس؟؟
قال ليهم: نزيد عليهم ونمشي ندوز بيهم لبيرمي
واحد المرا كتفرج هي وراجلها في مسلسل ميكسيكي مترجم بالدارجة. وفي لحظة رومانسية الراجل شاف فمرتو وقال ليها قلبي، ابتسمت وجاوباتو نعم أ مومّو قلبي. و هو يقول ليها
قلبي للجزيرة ولا نقلبك مع الارض.
واحد مكلخ خالتو ولدت ولد بدون "أذنين "
قالت ليه أمه سير بارك لخالتك
...لكن عنداك تهدر على الاذنين
"لان ولدها بدون أذنين"
لا تجرح مشاعرها و ما توجعلهاش قلبها
...........................قال أوكي
مشا المكلخ وسلم على خالتو وبارك لها
قال لها: الحاجة المهم تكثريلو العصير تاع خيزو
باش ماينقصلوش الشوف
قالت خالتــه: الا مايشوفش مزيان نديرولو نظارات
؟قال:
هاذي هي المشكلة >.....>فين غدي يعلقهوم
هدا واحد الولد صغير سوال ام ديلو قاليها واش الملائكة كيطيرو بصح
قالت ليه اه الملائكة كيطيرو
هو يقول ليها و علاش بابا كي قول للخدامة انتي ملاكي و هي مكطيرش
ردات عليه الأم وقالت ليه غد غدي تطير ا وليدي
