سلااااااااااااااااااااااااااااااااام
هادي وصفة زوييييييييييونة وسااااااااااااهلة وفوق من هادشي بنيييييييييينة
اول حاجة غادي نقطعوا البطاطس قطع صغيرة او نسلقوها في الماء مع الملح وضرس ديال الثوم( انا خديت نصف كيلو بطاطس او كل واحدة عينها ميزانها) او من بعد ما تسلق انصفيوها ونمعسوها بالفرشيت او نزيدوا عليها شوية الكامون ولبزار والتحميرة
غادي من بعد ناخدوا بصلة صغيرة مشلضة انشحروها في ملعقة الزيت صغيرة او بعدما طيب نزيدوا لها الطون ديال الزيد او شوية الزعتر والمعدنوس ( الطون كيتصفى من الزيت). من بعد كنضيفوا البصلة والطون للبطاطس اللي وجدنا من قبل ونبداو في تشكيلها على شكل صبيعات ولا خبيزات حسب الاختيار وندوزوهم في الدقيق ثم البيض ثم الخبز المحمص و من بعد نقليوهم في الزيت.
وبصحتكم و رااااااااحتكم
