* المقادير:
- كوب و نص طحين
- ربع ملعقة صغيرة ملح
- نص ملعقة صغيرة بيكربونات الصودا
- نص كوب زبدة (113 جرام)
- بيضة
- ملعقة صغيرة فانيليا
- مقادير الآيسينج:
- بياض بيضة وحدة
- ملعقة عصير ليمون
- كوب و نص سكر بودرة
- ملعقة صغيرة فانيليا
* الطريقة:
- نخفق الزبدة مع السكر لحد ما يصير كريمي
- نضيف البيضة و الفانيليا
- نضيف الطحين + الملح + بيكربونات الصودا و نخلط لحد ما تصير العجينة متماسكة
- نجمعها و نكورها و نلفها بورق شفاف و ندخلها الثلاجة تبرد لساعة تقريبا
- نسخن الفرن على حرارة 170 و نبطن الصواني بورق زبدة
- ناخذ جزء من العجين ونفردها على الطاولة بين ورقتين نشاف و نرش عليها طحين حسب الحاجة عشان ما تلصق
- نقطع الأشكال بالقطاعات المتوفرة، نغمص القطاعة في الطحين و نقطع فيها الشكل المطلوب
- قبل ما نخبز الكوكيز الي قطعناه، نحطه بالثلاجة 10 – 15 دقيقة تقريبا عشان يبرد و يحافظ على شكله لما يدخل الفرن.. فما يتمدد و تخرب الأشكال
- نخبز الكوكيز في الفرن 10 دقايق تقريبا لحد ما تصير الأطراف بني فاتح.. نطلعها و نتركها تبرد دقيقة قبل ما ننقلها للشبك و نخليها تبرد بشكل كامل و نجهز خلطة الآيسينج
- للآيسينج: نخفق بياض البيض بالخلاط الكهربائي لحد ما يصير رغوي و مثل الكريمة المخفوقة
- نضيف السكر بودرة و عصير الليمون و الفانيليا ونخلط لحد ما نوصل للقوام المطلوب بحيث يسهل فيه تغطية الكوكيز و ما يكون سايح وايد
- نضيف اللون حسب الرغبة و لرسم الأشكال فوق الكوكيز يكون القوام سميك شوي بحيث نقدر نتحكم فيه، نحطه في أقماع بلاستيك و نقص فتحة صغيرة جدا من تحت و نرسم الأشكال المطلوبة.. المجال مفتوح للكثير و الكثير من الإبداع : )
- ممكن استخدام الحلويات الصغيرة الملونة (مثل إم آند إمز) أو أي نوع ثاني بعدة طرق..
- من الأفكار الجميلة استخدام الأعواد الخشبية عشان يصير الكوكيز مثل المصاص، في هالحالة نغرس العود بالكوكيز قبل ما ندخله الفرن، و ممكن تغليفه بورق السلوفان عشان نحافظ عليه لفترة أطول و يصير فكرة مبتكرة لهدية مميزة و بسيطة
