النمر (نطق: /nemr/ ;انجليزى: tiger; الاسم العلمى: Panthera tigris) حيوان ثديى آكل لحوم ضخم من فصيلة السنوريات و هو اكبر عضو فى عيلة القطط.[1]
النمر حيوان مفترس و هو أكبر قط من بين الاربع قطط الكبيره (النمر - الاسد- الفهد - التشيتا).
النمر ممكن يوصل طوله اربعه متر (13 قدم) فى الطول الاجمالى، و وزنه ممكن يوصل 300 كيلوجرام (660 رطل) النمور الاكبر فى الحجم من كده انقرضت . اكتر حاجه مميزه للنمور هى الفرو المخطط بخطوط اسود رأسى مع الالوان الابيض والبرتقالى المحمر.
النمور بتعتبر من بين الحيوانات الاكتر شعبيه فى العالم. و ليها مكانه بارزه في التراث الشعبى والاساطير القديمه، والادب الحديث.
النمور بتظهر على كتير من الاعلام، وكتعويزه للفرق الرياضيه وتعتبر النمور الحيوان الوطنى لكتير من البلاد الاسيويه زى الهند [2]. جميع انواع النمور اللى على قيد الحياة محطوطه تحت الحمايه الرسمية للبلاد.
موطن النمر
تاريخيا النمور كانت موجودة فى بلاد ما بين النهرين و القوقاز و فى معظم أجزاء جنوب و شرق آسيا .
موطن النمر شرق اسيا و جنوبها و بتعتبر شبه القاره الهنديه موطن أكتر من 80% من النمور البريه فى العالم. زمان كانت النمور بتعيش فى حتت كتيره في آسيا، من القوقاز و بحر قزوين لحد سيبيريا و اندونيسيا. خلال القرن التسعتاشر اختفت النمور تماما من غرب اسيا كلها و بقت بتعيش فى مناطق معزوله. اختفت النمور من جاوه خلال النص التانى من القرن التسعتاشر.
تطور النمر
اقدم بقايا للنمور تم اكتشافها فى الصين وجاوه. الانواع دى كانت عايشه من حوالى 2 مليون سنه فى بداية العصر الجليدى وكانت اصغر من النمور. احافير النمور الحقيقيه تنبع من جاوه من حوالى ما بين 1,6 و 1,8 مليون سنه.
سلالات النمور
نمر بنجالى
فيه تسع سلالات للنمور منها تلاته انقرضت وسلاله واحده متوقع انها تنقرض قريب. سلالات النمور بتتصنف حسب اعدادها.
النمر البنجالى
سلالة نمر البنجال او النمر الملكى البنجالى بتعيش فى اجزاء من الهند و بنجلاديش و نيبال، بوتان، وبورما.
النمر الهندى-الصينى
سلالة النمر الهندى-الصينى بتعيش فى اجزاء من كامبوديا والصين، لاوس، بورما، تايلاند وفيتنام.
النمر المالاوى
سلالة النمر المالاوى بتعيش بس فى شبه جزيرة المالايو.
النمر السومطرى
سلالة النمر السومطرى بتعيش فى جزيرة سومطره وتعتبر سلالة النمر السومطرى اصغر السلالات الحيّه.
النمر السيبيرى
النمر السيبيرى معروف برضه باسم النمر الامورى او نمر شمال الصين او نمر منشوريا وهوا اكبر انواع السنوريات، بيتمركز في روسيا سيبريا. فروه بيخليه يقدر يعيش فى التلج. وتعداد نمور سیبریا دلوقتى وصل ل 500 وهیه من الحیوانات المتهدده بل انقراض.
نمر جنوب الصين
نمر جنوب الصين هو واحد من اكتر عشر انواع حيوانات معرضه للانقراض ف العالم.
التهجين
اللايجر تهجين بين الاسد الذكر والنمره الانثى
التهجين (انجليزى: hybridization) بين القطط الكبيره، بما فيها النمر، حصل اول مره فى القرن التسعتاشر علشان جناين الحيوان تعرضها علشان تحقيق مكاسب ماليه[3]. التهجين لسه بيحصل وخصوصا فى جناين الحيوان فى الصين.
الاسود ممكن تتوالد مع نمور [4] في أغلب الأحيان نمور من فروع النمر السيبيرى الامورى والبنجالى والناتج الهجين اللايجر او التايجون.
اللايجر تهجين بين الاسد الدكر والنمره النتايه اللايجر بتنمو اكبر بكتير من اي من الوالدين. التايجون تهجين بين النمر الذكر والاسد النتايه.
