السلام عليكم
انا عضوة جديدة وفي نفس الوقت حلاوية من المغرب اهدي هده الحلويات اليكم جميعا واتمنى لا تبخلو بالرد
شووووفووووو هده الحلويات وردو عليا لخبار
[ندعوك للتسجيل في المنتدى أو التعريف بنفسك لمعاينة هذه الصورة]الحلويات بالترتيب فالبلاطو من اليسار لليمين
1 شميشة
حلوة الشميشة
1 نبداو بشميشة وممكن تعملي الالوان لي حبيتي
المقادير
عجينة لكعاب فيها بيضة
لوز مسلوق ومفسخ ومنشف
زبدة
زهر
حتى تكون عندنا عجينةلوز لينة
طريقة
نطبع لعجينة بمطبع مدور ومسنن وصغير
ونطبع لوز بسمك لبغينة بنفس المطبع
ناخد دائرة ندهنوها ببياض البيض
ونعملوها فوق دائرة ديال لوز ونحط وحدة اخرى مدهونة ببياض البيض
يعني عجينة+ لوز +عجينة ونزوقها من الفوق بمنكاش ونحط لوسط عقيقة ونظغط حتى تقاد شوفو الصورة
الا فهمتوني نزيد نكتب نتسنى الرد حقاش سبق وقلت راني منعرفش نشرح كفاية
غنحاول نصلح صورة ونولي نصور يكون احسن سمحو لي انا رهنا لاشارة
[ندعوك للتسجيل في المنتدى أو التعريف بنفسك لمعاينة هذه الصورة]2 شميعة
حلوة الشمعة
المقادير
نصف كيلو تمر
رابعة جنجلان منقي محمر
شوية لكوزة
معلقة صغير عامرة زبدة
قرصة قرفة
بياض بيضة
لوز مفسخ ومقطع طولي
عجينة ديال لكعاب المعتادة
الطريقة
ناخد تمر معجون نخلط معاه لكوزة+قرفة+زبدة
ونعمل شكل شمعة او نحربلهم ونقطع بموس قطع صغيرة نعملها في بياض البيض وجنجلان ونوقفها مثل شميعة صغيرة وناخد لعجينة نورقها ونطبع بمطبع دائري يكون على قد راس لقطعة ديال التمر ندهن ببياض البيض ولصق العجينة ونزوقها بمنكاش ونعمل لوز هو لفتيلة ديال شمعة وتدخل الفرن
بالصحة وراحة نتمنى نكون شرحت مزيان وهده الصورة توضح اكتر.
لتحميل كتاب يضم جميع الحلويات مصورة ومشروحة اضغط هنا . .
[ندعوك للتسجيل في المنتدى أو التعريف بنفسك لمعاينة هذه الصورة]
