صينية دجاج لا تفوتكم

صينية دجاج لا تفوتكم

أقدم لكم هالوصفة ....صينية دجاااج

ومادري أحساسي يقول أن من شكلها أكيد طعمها لذيذ ..

وأنا نقلتها لعيونكم ...


وأن شاء الله بجربها في الويك اند ...

يالله نبلش ...

المقادير:

صدر دجاجه مسلوقه في مكعب ماجي وحبتين هيل


مربعات اسبرنغ رول



حبة بصله مفرمه وحبه مقطعه شرايح – 3 فصوص ثوم مفرومين – حبة طماطم شرايح – حبة بطاطس شرايح وحبة مكعبات صغيره – حبة فلفل رومي مقطع مكعبات صغيره - حبة جزر مبشورة – حبة كوسه مبشوره – نص كوب ذره – نص كوب بازلا


البهارات ((ملعقه صغيره كمون – ملعقه صغيره ك**ره – ملعقه صغيره فلفل اسود – ملعقه كبيره بهارات كاري – ليمون اسود ناشف تدقينه اذا تفتت تاخذين مقدار ملعقه صغيره))
مكعب ماجي – فنجان قهوه صوص الصويا – كوب شاهي ذوبي فيه نص مكعب ماجي – 3ملاعق زيت زيتون


الصوص للوجه ((علبة قشطه – ملعقتين مليانه جبنه سائله – ملعقه مليانه مايونيز – وحبتين كيري تعطيها طعم لذيذ ))

الطريقه:


اول شي الحشوه:



حطي زيت بالطاوه وحطي عليه البصل والثوم المفرومين

قلبيهم شوي وحطي عليه الجزر والبطاطس والكوسا والفلفل الرومي

قلبيهم وحطي عليها الذره والبازلا

حطي عليه كوب ماء وغطي عليه تقريبا ربع ساعه

بعد ماتسوي الخضار اضيفي الدجاج بعد ماتنتفينه

حطي عليها الكمون والفلفل الاسود والك**رة ونص مكعب ماجي ورشة ملح وبهارات الكاري وصوص الصويا

قلبيهم لما يتجانسو ويصيرون جذي طفي النار عليه

الحين نجي للصينيه


حطي بااسفلها شرايح البصل والبطاطس والطماطم رشي عليها رشة بهارات من الكمون والملح والفلفل الاسود والك**ره والليمون الناشف المدقوق وكوب مويه مذوب فيه نص مكعب ماجي و3 ملاعق زيت زيتون

خذي مربع واحد من العجينه وحطي الحشوة فيها

نلفها جذي

اثنيه من الجوانب

رصيها بالصينيه

وجذي أكتمل العدد

حطي فوقها الصوص الابيض

رشي عليها السماق والزعتر

غطيها بالقصدير

دخليها الفرن لمدة 20 دقيقه من فوق ومن تحت على نار متوسطه

طلعيها وخذي من تحت بالشوكه بطاطس وبصل شوفي استوى او لا اذا استوى خلاص شيلي القصدير وحمريها من فوق بس واذا مااستوى غطيها ورجعيها واحسبيلها كمان 10 دقايق

والحيييييييييييييييييييييييين...

وحده ...وحده...

تبطل حلجها... وتذوقها ....


وبالعاااافية على قلوبكم ...